“Ўзбекистон Республикасининг Шаҳарсозлик кодексини тасдиқлаш ҳақида”ги Қонун ЎРҚ-676, 22.02.2021 й. Ўзбекистон Республикаси Президенти томонидан имзоланди.Унга кўра, эндиликда “ноёб ва алоҳида муҳим объектлар”, “реклама ва ахборот объектлари”, “турар жой объектлари”, “урбанизация” ва бошқа бир қатор асосий тушунчалар киритилиб, шаҳарсозлик фаолиятининг асосий принциплари белгилаб берилди.                Шаҳарсозлик фаолияти соҳасидаги жамоатчилик назорати ва унинг шакллари, субъектлари ҳақидаги нормалар кўрсатиб ўтилди.                Мазкур соҳадаги қарорларнинг муҳокамасида жамоатчилик назорати иштироки таъминланиши мустаҳкамланди.              Кодексга юридик ва жисмоний шахсларга етказилган зарар ўрни қопланишининг асосий йўналишларини белгилаб берадиган ҳамда пудрат учун давлат шартномасини ишлаб чиқиш ва тузиш тартиби, пудрат ишлари қатъий шартнома асосида амалга оширилиши бўйича нормалар киритилди.                Шунинг баробаринда, шаҳарсозлик ҳужжатларини экспертизадан ўтказишда экспертларнинг ҳуқуқлари ва жавобгарлиги аниқ кўрсатиб берилди.                Эндиликда чет эллик юридик ва жисмоний шахслар ҳам шаҳарсозлик фаолияти субъектлари бўлиши мумкин.

     Мазкур Қонун расмий эълон қилинган кундан эътиборан 3 ой ўтгач кучга киради.